GORBI-ს მიერ ჩატარებულ კვლევას უკვე მოჰყვა შეფასებები მმართველი გუნდის მხრიდან. „ქართული ოცნების“ წევრების განცხადებით, კვლევაში გამოკვეთილი განწყობები კიდევ ერთი დადასტურებაა იმის, რომ ხელისუფლების მიერ საფრთხეების განსაზღვრა სწორად ხდება.
„კიდევ ერთხელ დასტურდება ის რომ, საზოგადოების აბსოლუტური უმრავლესობა სწორად აფასებს მიმდინარე პროცესებს, როგორც რეგიონში, ისე მსოფლიოში და ყოველგვარი პოლიტიკური გემოვნების გარეშე, ქართულმა საზოგადოებამ და მისმა უმრავლესობამ ორივე შემთხვევაში ნამდვილად სწორად აღიქვა ის შესაძლო საფრთხე, რაც შეიძლება იყოს საქართველოსთვის. ამავდროულად, იმ პოზიტივის გაკეთება, რასაც საქართველო აკეთებს უკრაინის მხარდასაჭერად. ეს კვლევები კიდევ ერთხელ არის იმის დასტური, რომ ჩვენი პოზიცია არის მართებული“, – განაცხადა საპარლამენტო უმრავლესობის წევრმა, გურამ მაჭარაშვილმა.