“მთავრობა აკეთებს ყველაფერს, რათა ქვეყანაში მშვიდობა და სტაბილურობა იყოს”

ჩვენი მოსახლეობის დიდი უმრავლესობის შეკვეთა მშვიდობაა, – ამის შესახებ საპარლამენტო უმრავლესობის წევრმა, თავდაცვისა და უშიშროების კომიტეტის თავმჯდომარის მოადგილემ, ვლადიმერ ჩაჩიბაიამ „ქრონიკას“ განუცხადა.

მან კომენტარი „გორბიმ“ მიერ ჩატარებული საზოგადოებრივი აზრის კვლევის შედეგებზე გააკეთა.

„ჩვენი მოსახლეობის დიდი უმრავლესობის შეკვეთა არის მშვიდობა, ეს ჩატარებულმა კვლევებმაც აჩვენა. მთავრობა აკეთებს ყველაფერს იმისთვის, რომ ქვეყანაში მშვიდობა და სტაბილურობა იყოს“, – განაცხადა ჩაჩიბაიამ.

მსჯელობას, რომ საქართველო არ უნდა ჩაერთოს სამხედრო კონფლიქტში, რადგან რუსეთთან ომი საქართველოს ისეთივე მძიმე ზიანს მიაყენებს, როგორც უკრაინას, „გორბიმ“ მიერ ჩატარებული საზოგადოებრივი აზრის კვლევის შედეგების მიხედვით გამოკითხულთა 75,9% ეთანხმება; არ ეთანხმება 20%, 4,1% კი ამბობს, რომ არ იცის.