შალვა პაპუაშვილის თქმით, ხელისუფლების ცვლილებისა და ვადამდელი არჩევნების არანაირი წინაპირობა არ არის. ამ თემაზე კომენტარი პარლამენტის თავმჯდომარემ მარნეულში, ჟურნალისტებთან საუბრისას გააკეთა. პაპუაშვილმა აღნიშნა, რომ საპარლამენტო არჩევნები ქვეყანაში 2024 წელს ჩატარდება, მანამდე კი ამ თემაზე საუბარი „ნაციონალური მოძრაობის“ გაცხადებულ სურვილად რჩება.
„არჩევნები არის 2024 წელს, მოემზადონ 2024 წლისთვის. მანამდე, ეს ყველაფერი არეულობის მოსაწყობად არის გამიზნული. სამწუხაროდ, „ნაციონალური მოძრაობა“ არის ჩაკეტილი. თავისი თავი, საკუთარი მომხრეები ჩაკეტილი ჰყავს წრეში, საიდანაც ვერ გამოდიან. არ აღიარებენ ერთ მარტივ ჭეშმარიტებას – მათ საქართველოს მოსახლეობამ მიანიჭა ოპოზიციის როლი და ამ როლიდან უნდა შეეცადონ იყვნენ ხელისუფლების ნაწილი და არა პირიქით – უარყონ ეს როლი და აბსოლუტური ძალაუფლებისკენ ისწრაფოდნენ“, – განაცხადა პაპუაშვილმა.