კიევის მერის ვიტალი კლიჩკოს განცხადებით, ქალაქ ირპენი, სადაც სასტიკი ბრძოლა მიმდინარეობდა, უკრაინის კონტროლს ქვეშაა.
კლიჩკოს თქმით, უკრაინულმა არმიამ მტერს უკან დაახევინა. კლიჩკო ამბობს, რომ უკრაინულმა ძალებმა კიევისთვის ალყის შემორტყმის გეგმა ჩაშალეს.
„ისინი ვერასოდეს მოვლენ კიევამდე“, – აცხადებს კიევის მერი.
ამასთან, ვიტალი კლიჩკო ორშაბათს სავაჭრო ცენტრის დაბომბვის შემდეგ კრემლში გაკეთებულ განცხადებას გამოეხმაურა, რომლის თანახმადაც უკრაინა აღნიშნულ ცენტრს იარაღის საწყობად იყენებდა.
კლიჩკომ კრემლის განცხადებას მორიგი პროპაგანდისტული გამონათქვამი უწოდა.
კომენტარები