ადვოკატი ელზა ჯმუხაძე ზელენსკის მიერ საქართველოდან და მაროკოდან ელჩების გაწვევას ეხმაურება.
“და რუმინეთიდან როდის გამოვიწვევ ელჩსო, მაგალითად?
ან საქართველოს რა იარაღი უნდა მოეწოდებინა?
ან რა სანქციები უნდა დაეწესებინა ოკუპირებულ საქართველოს?
,,დაბალ ღობეებზე” ხტომა გეკადრება ამხელა რუსეთის იმპერიას შეჭიდებულ კაცს?
ეეეჰ, ვოლოდიმირ, ვოლოდიმირ…
შეიძლება მიხვდე, დაბოლებული რომ ხარ, შეიძლება ვერც მიხვდე…
თავადაც ამბობ, რომ პოლიტიკოსი არ ხარ.
შენ ხარ ადამიანი, რომელიც ექსტრემალურ სიტუაციაში მაგრად დაუდგა მტერს, რაც ძალიან კარგია, მაგრამ პოლიტიკურ ხედვაში გიჭირს და გვერდითაც არავინ გყავს ისეთი, სწორი პოლიტიკური აქცენტები გაგაკეთებინოს
უფრო – პირიქით!
ომში ჩართულს და გადაქანცულს რა გითხრათ გარდა იმისა, რომ მინიმუმ, უნდა მოგეცადა, ერთი კარგად და მშვიდად გამოგეძინა მაინც, ვიდრე ამ გადაწყვეტილებას მიიღებდი და საკუთარ ლტოლვილ თუნდაც ერთ უკრაინელს, ვინც საქართველომ გულში ჩაიკრა, უხერხულობაში ჩააგდებდი…
ჩვენ გვესმის, რომ ეიფორიაში ხარ;
ისიც ვიცით, რომ მშვიდად კიდევ დიდ ხანს ვერ გამოიძინებ, სამწუხაროდ;
მაგრამ ჩვენ გვაქვს იმედი, რომ დაგიდგება მომენტი, როდესაც მიხვდები, რა ხდებოდა შენს გარშემო, როდესაც ასეთ ნაბიჯს დგამდი და საკუთარ თავს მაინც გამოუტყდები, რომ ნებისმიერი პარამეტრით დიდი უმადურობა გამოგივიდა, რაც, უბრალოდ, სირცხვილია..
გამარჯვებულებს არ ასამართლებენ
და მე მირჩევნია, გამარჯვებული გამოხვიდეთ შენც და უკრაინაც ამ ომიდან!
და დაე, შეგრჩეს ეს პოლიტიკური უმეცრებაც!!!”