უკრაინის გენერალური პროკურატურის მონაცემებით, ომის დაწყებიდან დღემდე, რუსეთის შეიარაღებულ თავდასხმას 153 ბავშვის სიცოცხლე შეეწირა, 245 კი – დაშავდა.
უწყების ცნობით, ქვეყნის მასშტაბით არსებული საომარი მოქმედების გათვალისწინებით, რთულია ზუსტი მონაცემების დათვლა.
დაბომბვების გამო დაზიანდა 859 სასწავლო დაწესებულების შენობა, მათ შორის 83 – სრულად დაინგრა.
მიუხედავად რუსეთის განცხადებებისა, რომ მისი შეიარაღებული ძალები უკრაინაში მხოლოდ სამხედრო ობიექტებს ბომბავენ, უკრაინის ქალაქებში განადგურებულია საცხოვრებელი სახლები, სასწავლო დაწესებულებები, საკულტო ნაგებობები, მაღაზიები და სხვადასხვა ინფრასტრუქტურა. უკრაინის ხელისუფლების ინფორმაციით, დაღუპულია ათასობით მშვიდობიანი მოქალაქე.
კომენტარები