წითელი ჯვრის საერთაშორისო კომიტეტის განცხადებით, ალყაში მოქცეული ქალაქ მარიუპოლიდან მშვიდობიანი მოსახლეობის ევაკუაციის მცდელობა გადაიდო.
„წითელი ჯვრის საერთაშორისო კომიტეტის გუნდი, რომელიც პარასკევს მიემგზავრებოდა მარიუპოლში და, რომელსაც ხელი უნდა შეეწყო მშვიდობიანი მოსახლეობის უსაფრთხო გადაადგილებისთვის, ზაპორიჟიეში მას შემდეგ დაბრუნდა, რაც შეთანხმების გაგრძელება შეუძლებელი გახდა“ , – განაცხადა წითელ ჯვრის საერთაშორისო კომიტეტმა.
კომიტეტის თქმით, ჯგუფმა, რომელიც სამი მანქანისა და 9 პერსონალისგან შედგება, ვერ მიაღწია მარიუპოლს და ვერც შეთანხმებას მოქალაქეებისთვის უსაფრთხო მარშრუტების გახსნაზე.
,,ისინი შაბათს კვლავ ცდიან მოლაპარაკებას უსაფრთხოების მარშრუტებზე. ოპერაციის წარმატებისთვის მნიშვნელოვანია, რომ მხარეებმა პატივი სცენ შეთანხმებებს და უზრუნველყონ აუცილებელი პირობები და უსაფრთხოების გარანტიები. როცა მოქალაქეების გაყვანის ოპერაცია დაიწყება, წითელი ჯვრის საერთაშორისო კომიტეტის როლი, როგორც ნეიტრალური შუამავალი, იქნება მარიუპოლიდან მომავალი კოლონების სხვა ქალაქებში გაყოლა/თანხლება იქნება“, – აღნიშნულია განცხადებაში.