გამოქვეყნდა სატელიტური ფოტოები, რომლებიც ადასტურებს, რომ ბუჩას კადრები რეალობაა და კრემლი ცრუობს (ვიდეო)

The New York Times-მა გააანალიზა სატელიტური გამოსახულებები და ისინი ბუჩაში გადაღებულ ვიდეო და ფოტოკადრებს შეადარა.

რუსეთი ამტკიცებს, რომ ქუჩაში გადაღებული, ადამიანების ცხედრების სურათები „კიდევ ერთი ტყუილია“ და ითხოვს გაეროს უშიშროების საბჭოს საგანგებო სხდომას, რომელზეც ბუჩაში „უკრაინელი რადიკალების პროვოკაციების“ შესახებ ისაუბრებენ. კრემლის მტკიცების საპირისპიროდ, იმის დასადგენად, თუ როდის გამოჩნდა ქუჩებში ცხედრები და როდის დაიღუპნენ მშვიდობიანი მოქალაქეები, მედიასაშუალების ვიზუალური გამოძიების ჯგუფმა სატელიტური გამოსახულების წინასწარი და შემდგომი ანალიზი ჩაატარა.

ანალიზით დადასტურდა, რომ არაერთი მშვიდობიანი მოქალაქე დაიღუპა 3 კვირაზე მეტი ხნის წინ, როდესაც ქალაქს რუსული მხარე აკონტროლებდა.