“ფრანსუა ოლანდის გადაწყვეტილება ”სახელმწიფო მოღვაწის გადაწყვეტილებაა””

საფრანგეთის პრეზიდენტის ფრანსუა ოლანდის გადაწყვეტილება, საპრეზიდენტო არჩევნებზე თავისი კანდიდატურა არ წარადგინოს „სახელმწიფო მოღვაწის გადაწყვეტილებაა“, – ასეთი კომენტარი გააკეთა საფრანგეთის პრემიერ-მინისტრმა მანუელ ვალსმა პრეზიდენტ ოლანდის გადაწყვეტილებაზე. აღნიშნულის შესახებ ფრანგული Le Figaro იუწყება.

„ეს რთული, მოწიფული და სერიოზული გადაწყვეტილებაა. ეს სახელმწიფო მოღვაწის გადაწყვეტილებაა. მინდა ვუთხრა ფრანსუა ოლანდს ჩემი ემოციების, ჩემი პატივისცემის, ჩემი ერთგულების და ჩემი მღელვარების შესახებ“, – აღნიშნა მანუელ ვალსმა თავის კომუნიკეში.