სამშობლოში დავბრუნდი… პოლიტიკაში შესვლას არ ვაპირებ, მაგრამ ვიქნები პოლიტიკასთან, – ამის შესახებ ქვემო ქართლის ყოფილმა გუბერნატორმა ლევან მამალაძემ ლევან მამალაძემ “პირველებისთვის” მიცემულ ინტერვიუში განაცხადა.
მამალაძის წინააღმდეგ სისხლის სამართლის განაჩენი იყო გამოტანილი და საქართველოში ვერ ბრუნდებოდა. მამალაძე, რომელიც ცოტა ხნის დაბრუნდა საქართველოში, ამბობს, რომ 19 წელია სამშობლოში დაბრუნებაზე ფიქრობს.
ლევან მამალაძე: მე სამშობლოში დავბრუნდი.
ჟურნალისტი: როდის გადაწყვიტეთ სამშობლოში დაბრუნება? მას შემდეგ რაც ამნისტია შეგეხოთ?
ლევან მამალაძე: 19 წელია გადაწყვეტილი მაქვს.
ჟურნალისტი: მაგრამ ვერ ბრუნდებოდით.
ლევან მამალაძე: ვერ ვბრუნდებოდი იმიტომ, რომ იყო უსამართლობა.
ჟურნალისტი: რას ფიქრობთ, რატომ მიიღო “ქართულმა ოცნებამ” თქვენი ამნისტირების გადაწყვეტილება.
ლევან მამალაძე: “ქართული ოცნებას” არ მიუღია ეს გადაწყვეტილება, ეს მიიღო საქართველოს პარლამენტმა.
ჟურნალისტი: პარლამენტში ქართული ოცნება არაა?
ლევან მამალაძე: თუ გინდათ, რომ რამე დაამატოთ, დაამატეთ. მე გეუბნებით, რომ პარლამენტმა მიიღო კანონი ამნისტიის შესახებ, რომელიც ვრცელდება იმ ადამიანებზე, ვისზეც გავრცელდა.
ჟურნალისტი: რას აპირებთ ახლა?
ლევან მამალაძე: პირველი რაც არის, ჩემი ახლობლებს… 81 წლის დედა მყავს და ჩავეხუტე დედაჩემს, ახლა წავალ გურიაში, სადაც მამაჩემია დასაფლავებული.
პოლიტიკაში შესვლას არ ვაპირებ. მე ვიყავი პოლიტიკაში. მაღალი თანამდებობებიც მქონდა და შესაბამისი გავლენებიც. პოლიტიკაში ყოფნა ხელისუფლებისთვის ბრძოლაა, მე არ ვაპირებ ხელისუფლებისთვის ბრძოლას, მაგრამ ვიქნები პოლიტიკასთან.