ფილიპინებზე გემზე გაჩენილი ხანძრის შედეგად, სულ მცირე, 7 მგზავრი დაიღუპა.
ამის შესახებ ინფორმაციას CNN Philippines სანაპირო დაცვაზე დაყრდნობით ავრცელებს.
„სულ მცირე, შვიდი ადამიანი დაიღუპა, 105 გადაარჩინეს“, – ნათქვამია უწყების განცხადებაში.
მანამდე გახდა ცნობილი, რომ ფილიპინებზე, რიალის პორტთან ახლოს გემზე, რომელშიც 124 ადამიანი იმყოფებოდა, ცეცხლი გაჩნდა.
ქვეყნის სანაპირო დაცვის ინფორმაციით, ადამიანების დიდმა ნაწილმა წყალში გადახტომით უშველა თავს.
6 მგზავრი დაშავდა, სამძებრო-სამაშველო სამუშაოები გრძელდება.
კომენტარები