ახალი ადამიანის დევიზია: შექმენი, იზრუნე, ემსახურე!
წყაროსთან შეერთებული, ახალი ადამიანი თავად ხდება ენერგო ინფორმაციული ველი და ფაქტიურად ანძა, – ამის შესახებ სუროგაციის ცენტრის მფლობელი, მარიამ კუკუნაშვილი სოციალურ ქსელში წერს.
“მიმდინარე მოვლენებმა და კოვიდმა გადაალაგა მსოფლიო წესრიგი და ადამიანები ორად გაიყვნენ. გაჩნდა ახალი ადამიანის საჭიროება, რომლებიც ერთიანდებიან და ძალას იკრებენ. როგორია ახალი ადამიანი:
ღირებულებების და პრინციპების ერთგული, ბრძოლისუნარიანი, უშიშარი, მტკიცე, გულწრფელი, კეთილშობილი. ახალი ადამიანი ზრუნავს პლანეტაზე, ქვეყანაზე, ადამიანებზე და ის მხოლოდ პირადი ინტერესებითა და თვითგადარჩენის ინსტიქტით არ ცხოვრებს. ახალი ადამიანის დევიზია: შექმენი, იზრუნე, ემსახურე!
წყაროსთან შეერთებული, ახალი ადამიანი თავად ხდება ენერგო ინფორმაციული ველი და ფაქტიურად ანძა. იგი თავად ანაწილებს გარემოს მის გარშემო და წყვეტს რა ენერგოინფორმაციულ ველებთან ჰქონდეს შემხებლობა და რასთან არა.
ყოველივე არაჯანსაღი, ეგოიზმზე, პირად ინსტიქტებზე და ინტერესებზე დაფუძნებული ძალიან ჩქარი ტემპით განიცდის ეროზიას, რღვევას, განადგურებას, თვითგანადგურებას. ისინი დაიტანჯებიან და ახლა უფრო მეტად, ვიდრე ოდესმე … ამიტომ წინ ახალი ადამიანისა და მსოფლიო წესრიგისაკენ: შ ე ქ მ ე ნ ი, ე მ ს ა ხ უ რ ე, ი ზ რ უ ნ ე, გ ა ნ ვ ი თ ა რ დ ი, გ ა ნ ა ვ ი თ ა რ ე!
Kairos…დროა …”, – წერს მარიამ კუკუნაშვილი.