რას მივაწერო ია ფარულავას “ღადავისტური” გამოხტომა და გიორგი ღოღობერიძის სერიოზული პასუხი… მე, ალბათ, დავტოვებდი გადაცემას ასეთი კითხვის მერე, დავტოვებდი კი არა, გიორგი ღოღობერიძის ადგილას, არც კი ვაკადრებდი ჩემს თავს ფორმულაში მისვლას… – ამის შესახებ ნინო ქინქლაძე-ჭიღიტაშვილი სოციალურ ქსელში წერს.
“ასეთ მგრძობიარე თემაზე ლაპარაკსაც კი უნდა ერიდებოდეს ნორმალური შინაარსის მატარებელი ადამიანი!!!
და რას მივაწერო ია ფარულავას “ღადავისტური” გამოხტომა და გიორგი ღოღობერიძის სერიოზული პასუხი… მე, ალბათ, დავტოვებდი გადაცემას ასეთი კითხვის მერე, დავტოვებდი კი არა, გიორგი ღოღობერიძის ადგილას, არც კი ვაკადრებდი ჩემს თავს ფორმულაში მისვლას…
ეხლა კი, რას ვეტყოდი მე ია ფარულავას:
ქალბატონო ია, მეხუთე წელი დაიწყო, რაც ამ მრისხანე და მზაკვარი დაავადებით ვიტანჯები… რომ იცოდე, რა საშინელებაა კიბოსთან ჭიდილი, დაავადებასთან, რომელიც შენს შიგნით ბუდობს და შენი სიკვდილისთვის შიგნიდან იბრძვის, ასეთ თემაზე ღლიცინსაც კი ვერ გაბედავდი…
ონკოლოგებიც კი ვერ ითავისებენ, რა გზას გავდივართ ონკოპაციენტები:
❗ქიმიები, რომლებიც გვანგრევს მთლიანად და მერე ხელახლა ვიბადებით…
❗ბიოფსიები… მარტო მათი აღების პროცესი რა ტანჯვად ღირს…
❗რადიოთერაპია, როცა გიწვავენ სხივებით სიმსივნურ უჯრედებსაც კი…
❗სქრინინგები, ტომოგრაფიები, როცა გულისკანკალით ელოდები განაჩენს_სადმე მეორადი კერა ხომ არ წარმოიქმნა…
❗ჰორმონოთერაპია, ურთულესი პროცესი, როდესაც იძულებული ხარ, იმ ჰორმონზე იჯდე, რომელიც შეიძლება სხვა ორგანოებისთვის ცუდი იყოს, მაგრამ კიბოს საწინააღმდეგო ბრძოლაში სასიცოცხლოდ აუცილებელი…
❗უამრავი თანმხლები დაავადება, რომელიც იმუნიტეტის არ ქონის გამო, უსაშველოდ რთულდება…
❗რამდენი ექიმი, რამდენი წამალი…
დამიჯერე, ასეთი პაციენტი და ასეთი რთული დაავადება არავის წარმოსახვაშიც კი არ უნდა იყოს “მკვდარზე ვენოკი”…ის ისედაც მოგვკვლავს, ასეთი უნიჭო და უკბილო მეტაფორული შედარების გარეშეც_ ადრე თუ გვიან…
მაგრამ…
✅იცი, როგორ ტკბილდება სიცოცხლე, როცა მის დაკარგვას უახლოვდები?!
✅იცი, როგორ ვიმხნევებთ თავს ასეთი საშინელი განაჩენის ეგიდით მცხოვრები ადამიანები?!
✅იცი, რამხელა ფსიქოლოგიური ბრძოლა და თავის მოტყუება გვჭირდება, რომ ვიცხოვროთ ისე, თითქოს არაფერიც არ ხდება…
ია ფარულავა, დაიმახსოვრე ჩემგან_ასეთ თემებზე არ ღადაობენ, ასეთ დაავადებაზე საუბარსაც კი დიდი გონივრულობით, სიფაქიზით და მოწიწებით ბედავენ თავად ონკოლოგები, რომლებსაც იმედიანად შევყურებთ თვალებში ონკოპაციენტები!!!”, – წერს ნინო ქინქლაძე ჭიღიტაშვილი.
