არის უხეირო მცდელობა, რომ მეფის ეს ლანძღვა და მისდამი აბსოლუტურად უსამართლო შეურაცხყოფა იქნას წარმოჩენილი როგორც კრიტიკა. თითქოს ეს კრიტიკაა და ყველას აქვს უფლება გააკრიტიკოს. რა თქმა უნდა, ყველას აქვს საკუთარი აზრის გამოთქმის უფლება, მაგრამ ლანძღვას, შეურაცხყოფასა და კრიტიკას შორის დიდი სხვაობაა, – ამის შესახებ ხელოვნების სახლის დირექტორმა, გიორგი კალანდიამ გადაცემაში „იმედი LIVE“ განაცხადა.
მისი თქმით, ერეკლე მეფის მისამართით სიტყვა ღალატისა და ბრიყვის გამოყენება მიუღებელია.
„მე ისტორიკოსი ვარ და ძალიან ბევრი კრიტიკული მოსაზრება წამიკითხია მეფე ერეკლეს შესახებ და არასდროს საზოგადოების რეაქცია არ ყოფილა ასეთი, როდესაც არის ჯანსაღი კრიტიკა, ამას ქართული საზოგადება ძალიან სწორად იღებს. მაგრამ როდესაც არის შეურაცხყოფა, თანაც ისეთი კაცის, რომელმაც მთელი თავისი ცხოვრება ერისა და ქვეყნის, სახელმწიფოს გადარჩენას მიუძღვნა და თანაც ასეთი უხამსი სიტყვებით, მიუღებელია. ერეკლე მეფის მისამართით სიტყვა ღალატისა ბრიყვის გამოყენება ნამდვილად მიუღებელია.
ილია ჭავჭავაძე გახლდათ პირველი მათ შორის, ვინც ერეკლე მეფეს განსაკუთრებით აფასებდა და დიდ პატივს სცემდა“, – განაცხადა გიორგი კალანდიამ.