ვრცელდება განცხადება ანჩისხატის დაბრუნების მოთხოვნით აქციის შესახებ. გაცნობებთ რომ, ეს განცხადება და აქცია საპატრიარქოსთან შეთანხმებულიარ არის, – ამის შესახებ დეკანოზი ანდრია ჯაღმაიძე სოციალურ ქსელში წერს.
საპატრიარქოს საზოგადოებასთან ურთიერთობის სამსახურის უფროსი სოციალურ ქსელში „ნაჩისხატის“ მიერ გავრცელებულ ინფორმაციას ეხმიანება. მისი თქმით, ანჩისხატის ტაძარში დაბრუნების საინიციატივო ჯგუფის ხელმძღვანელი ზაზა ნანობაშვილი საპატრიარქოსა და ეკლესიის სახელით რიგ განცხადებებს თვითნებურად აკეთებს
„ბატონი ზაზა ნანობაშვილი თვითნებურად აკეთებს რიგ განცხადებებს საპატრიარქოს და ეკლესიის სახელით და ადამიანები შეჰყავს შეცდომაში. იგი, რიგი გადაცდომების გამო, ცოტა ხნის წინ განთავისუფლებულ იქნა ანჩისხატის ტაძრის ეკონომუსის თანამდებობიდან და უკანასკნელ პერიოდში მოქმედებს სრულიად დამოუკიდებლად“, – აცხადებს დეკანოზი.
იგი ასევე ანჩისხატის ეკლესიაში დაბრუნებასთან დაკავშირებით საპატრიარქოს პოზიციაზეც წერს.
„კომენტარებიდან ჩანს, ადამიანებს აინტერესებთ, ანჩისხატის ეკლესიაში დაბრუნებასთან დაკავშირებით რა პოზიცია აქვს საპატრიარქოს.
ამ თემაზე დეტალური ახსნა კიდევ იქნება, თუმცა, ახლავე, ერთმნიშვნელოვნად უნდა ითქვას, რომ, ხატის ეკლესიაში დაბრუნება ნამდვილად არის საპატრიარქოს მიზანი, (სხვაგვარად, არ იქნებოდა მიცემული ნებართვა შესაბამისი კიოტის ტაძარში განთავსებაზე), ოღონდ პრობლემა იმ ფორმაში და არჩეულ გზაშია, რასაც ბატონი ზაზა ნანობაშვილი უკანასკნელ პერიოდში დაადგა. ის ქმნის მტრის ხატს საპატრიარქოსგან და სახელმწიფოსგან და ქმნის შთაბეჭდილებას, თითქოს თავადაა ერთადერთი, ვისაც ხატის დაბრუნება სურს. რეალობა სხვაგვარია, დროში გამოჩნდება“, – წერს დეკანოზი ანდრია სოცილურ ქსელში.