სამეგრელო-ზემო სვანეთის გუბერნატორის აპარატის ყოფილი უფროსი ლაშა გვასალია სოციალურ ქსელში პარტია „კანონი და სამართლის“ ლიდერის, თაკო ჩარკვიანის მიერ გავლილ პოლიტიკურ გზას იხსენებს და ამბობს, რომ ჩარკვიანის ყველა გადაწყვეტილება მისთვის კულტურის მინისტრის თანამდებობაზე უარის თქმას უკავშირდება.
„თუკი. ოდესმე უმადურობის თვალსაჩინოებისათვის მაგალითის მოტანა დამჭირდა, ჩარკვიანების ოჯახს დავასახელებ. რომლებმაც მიუხედავად ბატონი ბიძინა ივანიშვილისგან მიღებული ათასგვარი (სახელდობრ არ ვიტყვი) დახმარებისა და ყურადღებისა, უმადურების ეშმაკი ჩაისახლეს გულ-გვამში და „მამონასთან გაითენეს აღდგომაი ესე“…
ყველა ყველაა, მაგრამ ეს თაკო ჩარკვიანი თუკი ოდნავი პატივისცემა გაქვთ ჩემი, ამიხსენით ვინაა? რა უნდა, რამ დაბოღმა, რამ ამოუვსო გულ- გვამი ესოდენი ბალღამით?! ყოველ ჯერზე, როცა კი საშუალება მიეცემა აპულეუსს დავესესხები და წითელი ვირთხა უხტება ხელოვნური ღიმილით გავერანებული პირიდან, დაუსაბუთებლად ლანძღავს და აფურთხებს ხელისუფლებას და მასთან ყველას, ვისაც საღად ჭვრეტის უნარი და ქვეყანაში მიმდინარე პროცესების სწორად აღქმის შესაძლებლობა გააჩნია!
თაკო ჩარკვიანისთვის ორი საქართველო არსებობს: ერთი: მიშას „ჭეშმარიტი“ და მეორე: პატრიარქის ანუ ქართული ეკლესიის, ასევე საქმის მკეთებელი, მშობლიური მიწისა და ხალხის მოყვარე, მისთვის თავდადებულთა საქართველო, რომელსაც ის მოღალატედ მოიხსენიებს და გამუდმებით ებრძვის. კულტურის მინისტრად არდანიშვნის გამო სინდიყურად დაბოღმილი თაკო ჩარკვიანის საქართველო: მამაკაცების გამაუპატიურებელ, უდანაშაულო ახალგაზრდების ქუჩებში მჟლეტ და სატანისტურ საქმეთა მკეთებელი მიშისტების „საქართველოა“!
ჯერ იყო და რუსეთ-საქართველოს ომის დროს, რომელიც მან და მისმა დარმა პუტჩისტებმა, ოღონდ უფრორე წიგნიერებმა, ვიდრე „თაკო პუბლიცისტკაა“- სამოქალაქო ომად შერაცხეს! თაკო ჩარკვიანი თავის „ძალადმთაწმინდელ“ მამასთან – ჯანსუღთან ერთად, კომპრომირებული, შეიარაღებული ინტელიგენციის გვერდიგვერდ იბრძოდნენ და მთელ ძალისხმევას ახმარდნენ სისხლით მოსული, მხედრიონის ავტომატებით „გამაგრებული“ რეჟიმის „გაპრავებასა“ და შენარჩუნებას.
ამ ნაძირალა პუტჩისტებმა გაწირეს ხალხით არჩეული პრეზიდენტი, გუნდრუკი უკმიეს მისი სიცოცხლის ვერაგულად დასასრულს, უკაცრავად პასუხია და მიაფურთხეს იმ ხალხის არჩევანს, ვისაც დღეს უნამუსოდ, თმაგაწეწილად, ყელის ძარღვების გამობუშტვით ეხვეწებიან სააკაშვილის დასახსნელად გამოსვლასა და ბუნტს! თან ვისგან უნდა დაიხსნან მიშიკო თუ იცით, ძვირფასო მეგობრებო? კანონისგან! დიახ, კანონიერებას, მართლმსაჯულებას უნდათ უკანონო ქმედებით გამოსტაცონ და სასურველი „ჰაეროვნება“ მიანიჭონ, უკრაინიდან სასაცილოდ და სამარცხვინოდ შემოპარულ, საქართველოს რუსეთთან უაზრო ომში ჩათრევის იდეითა თუ დავალებით შემოწრუწუნებულ სააკაშვილს.
ისემც, თაკოსა და გუბაზ ბუზბუზელას, თავიანთ ამფსონებთან ერთად , აუდგეთ ის მიშიკოსთვის ნახევრად ფეშქაშად გაღებული ფერდები, რამდენიც უკანონობას არ მიეცეს გასავალი და კანონი ფეხქვეშ არ გაითელოს! დიახ, მეგობრებო, უკანონობის ჩადენას და მართლსაწინააღმდეგო ქმედების ჩადენას ითხოვს და ითხოვენ თაკოსდარი „კანონშემოქმედები“, უნიჭო, გაუნათლებელი და მასთან მუმიფიცირებული ლენინის იდეით გამოჭუკებული „პოლიტიკოსები“. ვაი, ჩვენს თავს ასეთი მოღალატეებისა და ვერაგების სატანურ იდეათა მოსასმენად რომ ვიმეტებთ ჩვენი მოსახლეობის იმ ნაწილს, რომლებსაც ბრმად „შეჰყვარებიათ“ იქედნეს ნაშიერები და აძლევენ მანდატს უქართველჯიშოთა მიერ მოსყიდულ „ყორღანაშვილებს“, რათა ქვეყანას ებრძოლონ ყველა და ნებისმიერ სიტუაციაში, შელახონ მისი იმიჯი საზღვრებს გარეთ და აღუსრულონ მიშიკოს 2012 წელს შურისძიების ზიზღით გაჯერებული ნატვრა: ჩემს მერე ქვას უთოვია და ლოდს უწვიმიაო!“- წერს ლაშა გვასალია.
გვასალიას განსაკუთრებულ ინტერესს თაკო ჩარკვიანის პუბლიცისტად მოხსენიება იწვევს და ამბობს, რომ ამის შესახებ კითხვები რამდენჯერმე დასვა, თუმცა კოლეგები ჩარკვიანის პუბლიცისტობას იმდენად არასერიოზულად აღიქვამენ, რომ კონკრეტული პასუხის მიღებაც კი გაუჭირდა.
„ეს თაკო კი, მაგარი ტვინისბურღვა საჩუქარი კიარადა, „პადაროკია“ რა! რამდენჯერ ვკითხე საჯაროდ ჩვენი ჟურნალისტიკისა და ლიტერატურის გამორჩეულ მეტრს ბატონ იოსებ ჭუმბურიძესა და ბრწყინვალე პუბლიცისტს, ჟურნალისტსა და რედაქტორს ბატონ გელა ზედელაშვილს თუ ღმერთი გწამთ, ამიხსენით რატომ უწოდებენ თაკო ჩარკვიანს პუბლიცისტს, რა დაწერა ამისთანა, რომელიც მე არ წამიკითხავს და თქვენს მზერას შეხლოამეთქი? ეტყობა, ეს ჭკვიანი ადამიანები, თაკოზე საუბარს არასერიოზულობად მითვლიან და პასუხის ღირსადაც არ მთვლიან! არადა, ეგრე ეძახიან, კაცო, პუბლიცისტიაო და ამ ჟანრის პატივისმცემლები, რაღაცნაირი მოწიწებით ირინდებიან ხოლმე და უსმენენ გაუნათლებელი, უწიგნური, უვიცი და უტიფარი ქალის „კაკაფონიებს“. კი ხვდებიან, როგორი „კალმოსანიცაა“, მარა პუბლიცისტის „ჩინი“ თავისას შვრება მაინც!
ისე თაკო ისეთი პუბლიცისტია, როგორი „მთაწმინდელი“ მამამისიც… ჰოდა, ვუმზერ ამ უბედურებებს და გული მიწუხს კაცო!.. ერთმა ჩემმა კოლეგა მწერალმა, თაკოს მრავალსახოვან მარაზმზე რომ ჩამოვუგდე საუბარი, ღიმილით მითხრა: მოგცლია შენც, თაკოს სერიოზულად რომ აღიქვამ და მის ბოდვებს ასე რომ განიცდიო! – კი, ბატონო, ფოჩოა და ფოჩურებს მიერეკება, მაგრამ ამას საკუთარ სამზარეულოსა და მის ჭკუისად დავარგებულ დაქალუშკებში კი არა, ტელევიზიით გაყვირის, საზოგადოდ ხმამაღლობს. ხომ შეიძლება ვიღაც პატიოსან მსმენელს ასე უკუღმართად გაეხედნოს ყური?! ამიტომაც უნდა დაერქვას ბოროტს- ბოროტი, კეთილს კიდევ – კეთილი!“- წერს გვასალია და თაკო ჩარკვიანს პოლიტიკური მოღვაწეობის ცუდი დასასრულის წინასწარმეტყველებით მომართავს.
„თაკო სააკაშვილისტო, მთელი გულით მებრალება შენი ნიჭიერი ქალიშვილი ირმა გიგანი, ასეთი მოკლასიკურე პიანისტი, დიდებული კომპოზიციების შესრულების შემდგომ ასეთი სულელური და მასთან უღმერთო რამეების მოსმენა რომ უწევს, მით უფრო დედისგან! თუმცა რას ვიზამთ, ქათამი იმისაა, იკაკანოს, მაგრამ კვერცხის დაუდებლად მოკაკანე დედლის ბოლო კარგად ვიცი- მორზე თავის დადებაა… მალე „გამოუწერენ“ გილიოტინას, ან აკაციის მყარმერქნიან მორს ცრუკაკანა თაკუნას მშობლიური ნაცმაცუნები!.. ეგრე იქნება ეგ, ჩემმა მზემ, ეგრე და თანაც მალე!..
p. s. იცით რა მაღიმილებს კიდევ, ჩვენი კულტურის მინისტრის, სახელმწიფოებრივად მოაზროვნე, უნიჭიერესი, უერთგულესი და უპრინციპულესი ქალბატონის – თეა წულუკიანის ადგილას ამ „პუბლიცისტკას“ რომ წარმოვიდგენ ის! ვიცინი და ვიცინი და ვიცინი!“- წერს ლაშა გვასალია.