“დათიკომ რომ ფეხის ამბავი გაიგო ძალიან ვაჟკაცურად მიიღო, მაგრამ აღმოჩნდა რომ შინაგანად ძალიან განცდებშია და დეპრესია დაგვეწყო”

შარტავაზე დაშავებული დათის დედა სოციალურ ქსელში ემოციურ პოსტს აქვეყნებს.

“დილამშვიდობისა❣️დათიკომ რომ ფეხის ამბავი გაიგო ძალიან ვაჟკაცურად მიიღო. პირველი რაც იკითხა იყო “ჩემმა ძმებმა თუ იციანო”. თითქოს დიდად არ გამოხატავდა ემოციებს და მიხაროდა რა მშვიდად მიიღოთქო, მაგრამ აღმოჩნდა რომ შინაგანად ძალიან განცდებშია და დეპრესია დაგვეწყო სულ დაღლილია და ეძინება. გული მტკივაო ამბობს💔აღარც მადა აქვს და სულ უხასიათოდაა. ძალიან ოფლიანობს და სატურაციას ვეღარ ვიჭერთ ჟანგბადის ნიღბის გარეშე. თავიდან ფილტვების ანთება ან კოვიდი გვეგონა, მაგრამ გამორიცხეს. მჯერა ამასაც მალე გადავაგორებთ”