სულთმოფენობით სრულად გაცხადდა მსოფლიოს წინაშე ყოვლადწმინდა სამება, სამი ჰიპოსტასი ღვთისა და ადამიანებმა ისწავლეს თაყვანისცემა მამისა და ძის და სულისა წმინდისა, – ამის შესახებ აპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა შიომ (მუჯირი) სამების საკათედრო ტაძარში ქადაგებისას განაცხადა.
„თავად უფალი იესო ქრისტე ხშირად საუბრობდა და აღუთქვამდა მორწმუნეებს სულიწმიდის მოვლინებას. იგი ამბობს ასეთ სიტყვებს: – „უმჯობესია თქვენთვის, მე წავიდე, რადგან თუ არ წავალ, ნუგეშინისმცემელი არ მოვა თქვენთან. ხოლო თუ წავალ, მე მოგივლენთ მას“. სულთმოფენობიდან იწყება წმინდა ეკლესიის არსებობა. ეკლესიისა, რომელზეც უფალი იესო ქრისტე ბრძანებს, რომ ჯოჯოხეთის ბჭენიც კი ვერ მოერევიან მას. ამიტომ ჩვენ განსაკუთრებით აღვნიშნავთ სულთმოფენობის დღეს“, – განაცხადა მეუფემ.
მართლმადიდებელი ეკლესია სულთმოფენობას აღნიშნავს.