მინდა ყველას გთხოვოთ, რომ ამ დღეებში ყველაფერი გავაკეთოთ, რაც ჩვენ შესაძლებლობაშია, რომ ჩვენი თავი წარვადგინოთ, როგორც ღირსეულმა ევროპულმა ქვეყანამ, – ამის შესახებ საქართველოს პრეზიდენტმა, სალომე ზურაბიშვილმა განაცხადა. მისი თქმით, საზოგადოებამ იცის რა უნდა, როგორი ევროპა და საქართველო უნდა.
„მინდა, მივესალმო ყველა იმ ადამიანს, ვინც აპირებს გამოსვლას დღეს. ეს ძალიან მნიშვნელოვანია, რომ ჩვენ ჩვენი სახე ვაჩვენოთ და ჩვენი სახე უნდა იყოს მშვიდი. ჩვენ ვიცით, რა გვინდა, როგორი ევროპა და საქართველო გვინდა და ეს არის ის, რაც უნდა ვაჩვენთ.
მინდა, კიდევ ერთხელ მივმართო ყველას, რომ აქ არავინ მოვიდეს რამე ექსცესებისთვის და მინდა, მივმართო სამართალდამცავებს, რომ ყველანაირად იყოს შენარჩუნებული სიმშვიდე, რამეთუ ეს მშვიდი კადრები გავა ევროპის ყველა ეკრანზე და ეს იქნება ერთ-ერთი ნაწილი იმ გადაწყვეტილებების, რაც არის მისაღები“, – განაცხადა სალომე ზურაბიშვილმა.