ნაძალადევის რაიონში, გურამიშვილის გამზირი N33ბ კორპუსის მიმდებარედ სპორტული მოედნის სრული რეაბილიტაცია განხორციელდა. პროექტის ფარგლებში, 400 კვ.მ ფართობზე ხელოვნური მწვანე საფარი დაიგო და მოედნის ინფრასტრუქტურა განახლდა. ასევე, მოეწყო სავარჯიშო ტრენაჟორები.
რეაბილიტირებული მოედანი ნაძალადევის რაიონის გამგებელმა ირაკლი ანდღულაძემ დაათვალიერა.
„ნაძალადევის რაიონს კიდევ ერთი კეთილმოწყობილი სპორტული სივრცე შეემატა, სადაც მოზარდებს, ბავშვებს აქვთ შესაძლებლობა, აქტიურად დაკავდნენ სპორტული აქტივობებით. ჩვენთვის პრიორიტეტია ცხოვრების ჯანსაღი წესის ხელშეწყობა. რაც ყველაზე მნიშვნელოვანია, ადგილობრივი მოსახლეობა კმაყოფილია“, – განაცხადა ირაკლი ანდღულაძემ.
მინი სტადიონის რეაბილიტაციისა და ფიტნეს ზონის მოწყობისთვის ნაძალადევის რაიონის გამგეობამ 97 120 ლარი დახარჯა.