ნაძალადევის რაიონში, ზღვისუბნის III მიკრორაიონის III კვარტალში, N41 კორპუსის მიმდებარედ გზის რეაბილიტაცია დასრულდა. პროექტის ფარგლებში, გზის სავალ ნაწილზე ასფალტის საფარი 2 000-მდე კვ.მ ფართობზე დაიგო, ასევე, მოეწყო ბორდიური და ტროტუარი.
ბოლო ეტაპის სამუშაოებს ნაძალადევის რაიონის გამგებელი ირაკლი ანდღულაძე გაეცნო და ადგილობრივ მოსახლეობას შეხვდა.
,,აღნიშნულ მისამართზე საგზაო სამუშაოების დაწყებამდე მოძველებული წყალარინების ქსელი შევცვალეთ. კორპუსის ეზოს ტერიტორია სრულად მოწესრიგდა და რეაბილიტირდა. დღეიდან ადგილობრივ მოსახლეობას ინფრასტრუქტურული პრობლემები აღარ ექნება“, – განაცხადა ირაკლი ანდღულაძემ.
მიწისქვეშა კომუნიკაციებისა და გზის რეაბილიტაციისთვის ჯამში, 178 000 ლარი დაიხარჯა. სამუშაოები ნაძალადევის რაიონის გამგეობის დაფინანსებით შესრულდა.
კომენტარები