“ევროკავშირშიც მიგვიღებენ, მჯერა, მაგრამ ზიზღი, გაუტანლობა, უპატივცემულობა და აგრესიული უკულტურობა, ძალიან დიდხანს გაგრძელდება”

ჟურნალისტი ნატო ონიანი სოციალურ ქსელში პოსტს აქვეყნებს.

“ჯერ კიდევ ეროვნული მოძრაობის გარიჟრაჟზე, უნივერსიტეტის პირველ კორპუსში შეხვედრა გაიმართა, რომელშიც ლიდერები მონაწილეობდნენ. 9 აპრილამდე ჯერ კიდევ დიდი დროა, ლოზუნგები მოკრძალებულია და ძირითადად, რუსეთის იმპერიის ლანძღვით შემოიფარგლება. ჰოდა, ამ საყოველთაო ეროვნული ლოზუნგებისა და ტაშის ატმოსფეროში წამოდგა ერთი მშვენიერი ქალბატონი და თქვა- საქართველო გახდება დამოუკიდებელი, მაგრამ ჩვენ ნუ დავგარგავთ ერთმანეთს, არ გვინდა ეს ზიზღი და ურთიერთ დაპირისპირებაო. ზიზღამდე ჯერ კიდევ ძალიან შორს იყო და გაგვიკვირდა, ვერ მივხვდით, რას გულისხმობდა. მოკრძალებული ტაში დავუკარით და საქართველოს დამოუკიდებლობაზე ლოზუნგების მოსმენა განვაგრძეთ. საკმაოდ დიდი ხნის მერე მივხვდი, რა მართალი იყო ის ქალბატონი და რამდენად ზუსტად დაინახა პრობლემა, დღეს რომ გადაუჭრელად მეჩვენება პირადად მე. ევროკავშირშიც მიგვიღებენ, მჯერა, პოლიტიკოსებს შორის პოლარიზაციაც დასრულდება- თუ დასჭირდათ, მოახერხებენ მოლაპარაკებას, მაგრამ ზიზღი, გაუტანლობა, უპატივცემულობა და აგრესიული უკულტურობა მეეჭვება, რომ დიდხანს, ძალიან დიდხანს გაგრძელდება, სამწუხაროდ”