ნაძალადევის რაიონში, ზღვისუბნის IV მიკრორაიონის N5 კორპუსის მიმდებარედ გზის რეაბილიტაცია სრულდება. პროექტის ფარგლებში, მოეწყო ბორდიური, ტროტუარი და გზის სავალ ნაწილზე ასფალტის საფარი იგება. საგზაო ინფრასტრუქტურა ჯამში, 1 830 კვ.მ ფართობზე მოწესრიგდება.
ბოლო ეტაპის სამუშაოებს ნაძალადევის რაიონის გამგებელი ირაკლი ანდღულაძე გაეცნო და ადგილობრივ მოსახლეობას შეხვდა.
„აღნიშნულ მისამართზე გზის რეაბილიტაცია სრულდება. საგზაო სამუშაოების დაწყებამდე მთლიანი კორპუსის, ექვსი სადარბაზოს წყალარინების მოძველებული ქსელი შევცვალეთ. ეზო სრულად მოწესრიგდა და რეაბილიტირდა. ამ პროექტით 125 ოჯახის საცხოვრებელი გარემო გაუმჯობესდა“, – განაცხადა ირაკლი ანდღულაძემ.
მიწისქვეშა კომუნიკაციებისა და გზის რეაბილიტაციისთვის ჯამში, 140 000 ლარი დაიხარჯა. სამუშაოები ნაძალადევის რაიონის გამგეობის დაფინანსებით შესრულდა.
ნაძალადევის რაიონში კორპუსების მიმდებარე გზების კეთილმოწყობა გრძელდება
2022/08/02 18:11:47
ნანახია: 327 ჯერ