თბილისში, მანაგაძის სახელობის კლინიკაში 7 წლის გიორგი დემურია გარდაიცვალა. გავრცელებული ინფორმაციით, ბიჭს საოპერაციოდ ამზადებდნენ.
ოჯახის წევრების თქმით, მოზარდი ანესთეზიის გაკეთების შემდეგ დაიღუპა.
გარდაცვლილი ბიჭის დედა მომხდარში ექიმებს ადანაშაულებს.
“მე ბავშვმა მითხრა, არ დამტოვოო და ხელი მომკიდა… ვუთხარი, ნარკოზის გაკეთების დროს შემიყვანეთ-მეთქი. მერე ანესთეზიოლოგმა გაუკეთა ნარკოზი, ვენაში შეუყვანა. ბავშვმა ხელი ასე დაიდო და ვიხრჩობიო, მითხრა. ვიხრჩობიო. ერთი სიტყვა თქვა, ვიხრჩობიო და თვალები გადააყირავა… ანესთეზიოლოგმა თქვა, ეს იცისო ნარკოზმაო, თქვენ უნდა გახვიდეთო, მე მივხედავ ყველაფერსო, ხოდა გამომიშვეს აქეთ. ძალით მომიკლეს ჩემი შვილი. დამიხრჩვეს, არაფერი პრობლემა არ ჰქონდა, ძალით გაგუდეს, ზედმეტი დოზა მისცეს”, – ამბობს ბაია ინჯგია.
კომენტარები