საქართველოს იუსტიციის მინისტრი რატი ბრეგაძე ადასტურებს, რომ სახელმწიფო უსაფრთხოების სამსახურის უფროსის ყოფილ მოადგილე სოსო გოგაშვილი ოჯახის წევრებს შეხვდა. ამის შესახებ მინისტრმა საქართველოს პირველ არხს განუცხადა.
ბრეგაძის თქმით, შეხვედრა შედგა გოგაშვილის თხოვნის საფუძველზე და აღნიშნული შეხვედრა კანონმდებლობის ნორმების ზედმიწევნით დაცვით განხორციელდა.
„საქართველოში, მათ შორის პენიტენციურ დაწესებულებებში გამოხატვის თავისუფლება არის უზრუნველყოფილი. შესაბამისად, მე გამიჭირდება რაიმე კომენტარის გაკეთება იმის თაობაზე, რას საუბრობს ბატონი გოგაშვილი და ნებისმიერი სახის შეთქმულების თეორიაზე. თუ მას რაიმე სახის მტკიცებულებები აქვს, უნდა მიმართოს შესაბამის ორგანოებს“, – განაცხადა რატი ბრეგაძემ.
კომენტარები