“ნაციონალური მოძრაობა” ავანგარდში იქნება ისტორიული პოლიტიკური პროცესისა, – ასე პასუხობს “ნაცმოძრაობის” ლიდერი ნიკა მელია “ტვ პირველის” წამყვანის დიანა ტრაპაიძის კითხვას, რომ გიორგი ვაშაძე ამბობს, რომ სექტემბრიდან უნდა იყოს აქციები, ზურაბ ჯაფარიძე კი დაუმორჩილებლობას აანონსებს. მათ აქვთ გეგმა, ღიად დეკლარირებულად, სადაც ეპატიჟებიან ხალხს და სად არის აქ ენმ-ის გზა.
“თავმდაბლობის გარეშე ვიტყვი, რომ “ნაციონალური მოძრაობა” ავანგარდში იქნება ისტორიული პოლიტიკური ეროვნული პროცესისა. პოლიტიკური პროცესი, ეს არ არის წინასწარ გათვლილი ქმედება. შეუძლებელია ერთი კონკრეტული გეგმა, სტრატეგია. სექტემბერ-ოქტომბერში იქნება რამდენიმე გამოსავალი, რამდენიმე გზა, გეგმა.
არ არის ჩემი მხრიდან სერიოზული ვისაუბრო იმ გეგმებზე, რომელიც მუშავდება “ნაციონალურ მოძრაობაში” და რომელიც წინ აღუდგება ანტიეროვნულ, რუსულ ძალას. არ მივცემთ საშუალებას ამ ადამიანებს, საბოლოოდ ჩაგვაბარონ რუსეთს,” – განაცხადა მელიამ.