კიევის მერი, ვიტალი კლიჩკო კიეველებს მოუწოდებს, მოემზადონ იმისთვის, რომ ზამთარში გაზისა და ელექტროენერგიის მიწოდება შეიძლება შეფერხდეს.
„არ მინდა ყველა დავამშვიდო და ვთქვა, რომ ყველაფერი კარგად იქნება. ჩვენ მძიმე რეალობაში ვცხოვრობთ და სხვადასხვა სცენარი უნდა გავთვალოთ.
გაზი მთავრობის პასუხისმგებლობაა. დაგვარწმუნეს, რომ გაზი მოსახლეობისთვის ხელმისაწვდომი იქნება და არ გაძვირდება. ეს მოლოდინია, თუმცა არ გამოვრიცხავთ, რომ შეიძლება იყოს ტერორისტული აქტები, თავდასხმები გაზის სატუმბ სადგურებზე. ჩვენ ასევე განვიხილავთ ამ სცენარს.
ჩვენ შევიძინეთ გენერატორები, საწვავი ამ გენერატორებისთვის. უპირველეს ყოვლისა, მათ საავადმყოფოებში, ბაღებსა და სკოლებში გამოვიყენებთ.
ყველაფერს გავაკეთებთ, რაც ჩვენზეა დამოკიდებული, რომ სახლებში სითბო იყოს. თუმცა, ყველას ვთხოვ, მოამზადონ თბილი ტანსაცმელი, თბილი საბნები, რადგან არ გამოვრიცხავთ, რომ სახლებში ტემპერატურა ნორმაზე რამდენიმე გრადუსით დაბალი იყოს. ნორმა 21 გრადუსია და შესაძლოა 19 ან 18 იყოს“, – აღნიშნა კიევის მერმა.
ვიტალი კლიჩკომ ასევე განაცხადა, რომ რომ კიევი იყო და არის აგრესორის სამიზნე, თუმცა ხაზგასმით აღნიშნა, რომ დედაქალაქი ახლა ბევრად უკეთ არის მომზადებული მტრის სავარაუდო თავდასხმისთვის.