ძალიან არასერიოზულია არჩევნებამდე წელიწადნახევრით ადრე კიდევ ვადამდელი არჩევნების მოთხოვნა, მით უმეტეს, რომ ასეთ შემთხვევაში გაზაფხულზე ვადამდელი არჩევნები 120/30-ის პრინციპით ჩატარდება და არა პროპორციულით, – ამის შესახებ „ქრონიკას“ პარტია „მოქალაქეების“ ლიდერმა ალეკო ელისაშვილმა განუცხადა.
მისი თქმით, ძალიან არასერიოზულია საუბარი იმის შესახებ, რომ პოლიტიკურად „ძალიან ცხელი შემოდგომა იქნება“.
„მით უფრო არ მჯერა, რომ მღელვარებასა და „ცხელ შემოდგომას“ უზრუნველყოფენ ის ოპოზიციონერი ლიდერები, რომლებიც მკერდზე მუშტს იბრაგუნებენ. ხომ არ ვუშლით?! მერე არ გამოუვათ და ცუდი მოცეკვავისა არ იყოს, სხვებს რაღაცებს აბრალებენ – ხან ეს მიშლიდა, ხან – ისო. არავის ხელს არ ვუშლით“, – განაცხადა ელისაშვილმა.
მისივე თქმით, ძალიან არასერიოზულია არჩევნებამდე წელიწადნახევრით ადრე კიდევ ვადამდელი არჩევნების მოთხოვნა, მით უმეტეს, რომ ასეთ შემთხვევაში გაზაფხულზე ვადამდელი არჩევნები 120/30-ის პრინციპით ჩატარდება და არა სრულად პროპორციულით.
მისივე განმარტებით, ამასთანავე, კონსტიტუციის განსაზღვრულია, რომ საპარლამენტო არჩევნების 2024 წლის ოქტომბრის ბოლოს უნდა ჩატარდეს.
„ეს არის არასერიოზული და მოვუწოდებდი ჩემს ოპოზიციონერ კოლეგებს, რომ ჯობს, 2024 წლის არჩევნებისთვის სერიოზულად მოვემზადოთ, ამაზე ვიმსჯელოთ და ვიფიქროთ, ვიდრე არასერიოზული რაღაცებით ხალხს იმედი გავუცრუოთ“, – განაცხადა ელისაშვილმა.