ბოდიში მინდა მოვუხადო პირველ რიგში გარდაცვლილის სულს, მის ოჯახს და მთლიანად საზოგადოებას, – ამის შესახებ საპარლამენტო უმრავლესობის წევრმა, გიორგი ამილახვარმა განაცხადა.
„ არა აქვს აზრი იმის ახსნას, თუ მე რა კონტექსტით გავაკეთე ის განცხადება დილით. ეს ჩემთვის არის ცხოვრებისეული კრედო, მსგავსი არასდროს არ მიფიქრია არათუ პოლიტიკაში ყოფნის დროს, მთლიანად ჩემი ცხოვრების განმავლობაში და ბუნებრივია ჩემთვისაც ამ კონტექსტში ის განცხადება, რაც გავაკეთე, სრულიად მიუღებელია. გულწრფელად არ მგონია, რომ ოჯახს იქით ვინმე ისე განიცდიდეს ამ ამბავს, ვიდრე მე, რადგან სრულიად გაუთვითცნობიერებლად, სულ სხვა კონტექსტში და კითხვაც ასე იყო დასმული, იქნა ჩემს მიერ პასუხი გაცემული, რაზეც ამ ფაქტთან დაკავშირებით და საერთოდ რეკონსტრუქციასთან დაკავშირებით, არანაირი ინფორმაცია არ მქონდა, თუმცა მიუხედავად ამ ყველაფრისა, რა ინფორმაცია მქონდა თუ არ მქონდა, თავად ვგრძნობ პასუხისმგებლობას ამ განცხადებაში და კიდევ ერთხელ, პირველ რიგში ოჯახს და მთლიანად საზოგადოებას ბოდიშს ვუხდი და სრულიად თანამოზიარე ვარ ამ დიდი ტრაგედიის. ასევე, ვინც არ უნდა იყოს ამ ტრაგედიის პასუხისმგებელი პირი, ეს უმოკლეს ვადაში უნდა იყოს გამოძიებული და კანონის სრული სიმკაცრით ეს ადამიანი თუ ორგანიზაცია დაისაჯოს“, – განაცხადა ამილახვარმა.