გერმანიაში, ევროპელი სოციალ-დემოკრატების პარტიის საერთაშორისო კონგრესზე მიღებული რეზოლუცია, კიდევ ერთი დასტურია, რომ საქართველოს ევროპულ ინტეგრაციას აქვს დიდი მხარდაჭერა ევროპაში, – ამის შესახებ საქართვლოს პარლამენტის თავმჯდომარე შალვა პაპუაშვილმა რუანდაში ქართველ ჟურნალისტებს განუცხადა.
როგორც შალვა პაპუაშვილმა აღნიშნა, როგორც კი, 12 რეკომენდაცია შესრულდება საქართველოს ექნება მხარდაჭერა კანდიდატის სტატუსის მოსაპოვებლად.
„მადლობელი ვართ, ჩვენი პარტნიორი პარტიის, „ევროპის სოციალ-დემოკრატების“ ამ მხარდაჭერისთვის. ეს კიდევ ერთხელ ადასტურებს, რომ საქართველოს ევროპულ ინტეგრაციას აქვს დიდი მხარდაჭერა ევროპაში და განსაკუთრებით, ეს მხარდაჭერა იგრძნობა „ევროპელი სოციალისტების“ პარტიების მხრიდან. პარლამენტი აქტიურად მუშაობს 12 რეკომენდაციის შესრულებაზე და აქედან გამომდინარე, როგორც კი, რეკომენდაციებს შევასრულებთ, გვექნება მხარდაჭერა, რათა კანდიდატის სტატუსი მოვიპოვოთ და გადავიდეთ ევროკავშირში ინტეგრაციის მომდევნო ეტაპზე“, – განაცხადა პაპუაშვილმა.