ვაკის პარკში დაშავებული 13 წლის მოზარდის ჯანმრთელობის მდგომარეობა სტაბილურია. ლაზარე ლობჟანიძე კონტაქტურია და მნახველებსაც იღებს. ოჯახის ახლობელი, გლდანის რაიონის მაჟორიტარი, კონსტანტინე ზარნაძე ამბობს, რომ მოზარდს უშუალოდ მომხდარი ფაქტის შესახებ არ ახსოვს.
“ოჯახი არ ველოდებოდით, რომ ესე სწრაფად მოხდებოდა ბავშვის გამოჯანმრთელება იმ კუთხით, რომ უკვე კონტაქტურია, ლაპარაკობს და ტელეფონზეც დამირეკა და მითხრა, რომ სახლში წამიყვანეთ, მე არაფერი არ მჭირსო. მაგრამ, ამის მიუხედავად, აქვს ცოტა ამოვარდნები მეხსიერების, არ ახსოვს რაღაცები. ის მომენტი, რაც იქ მოხდა უშუალოდ, ის საერთოდ არ ახსოვს და ეს ძალიან კარგია, რომ არ ახსოვს. იმიტომ, რომ ვფიქრობთ, ამას რაც უფრო გვიან გაიგებს და ფსიქოლოგებთან ერთად მოხდება ამ ყველაფრის მისთვის მიწოდება, ეს იქნება ყველაზე სწორი ნაბიჯი,” – ამბობს კონსტანტინე ზარნაძე.