ისინი უნდა მოქცეულიყვნენ ისე, როგორც მოიქცა 2008 წელს „ნაციონალური მოძრაობის“ დელეგაცია. დავუჭირეთ მხარი რეზოლუციას, რომელიც აუცილებელი იყო. ჩვენი ხმების გარეშე შეიძლება ვერც კი გასულიყო, თუმცა ჩვენ არ ვეთანხმებოდით ზოგიერთ მუხლს და პოლიტიკური განცხადება გავაკეთეთ, რომ ვუჭერდით მხარს, თუმცა არ ვეთანხმებოდით ამ მუხლს, – ამის შესახებ „ნაციონალური მოძრაობის“ წევრმა, დეპუტატმა რომან გოცირიძემ განაცხადა.
მისი თქმით, „ქართულ ოცნებას“ რეზოლუციისთვის უნდა დაეჭირა მხარი და პოლიტიკურად უნდა ეთქვა, რომ რეზოლუციის რაღაც ნაწილს არ ეთანხმებიან.
„მათაც ასე უნდა ექნათ, რეზოლუციისთვის უნდა დაეჭირათ მხარი იურიდიულად და პოლიტიკურად უნდა ეთქვათ, რომ რეზოლუციის რაღაც ნაწილს ისინი არ ეთანხმებიან“ – განაცხადა რომან გოციროძემ.
ევროსაბჭოს საპარლამენტო ასამბლეამ რუსეთის წინააღმდეგ რეზოლუცია მიიღო. დოკუმენტის მეოთხე პუნქტი მოუწოდებს რუსეთის ხელისუფლებას, ასევე სხვა ქვეყნებს, გაათავისუფლონ პოლიტიკური პატიმრები. ამ კონტექსტში ვლადიმერ კარა – მურზასთან ერთად ნახსენებია საქართველოს ყოფილი პრეზიდენტი მიხეილ სააკაშვილიც. რეზოლუციაში ჯამში 14 შესწორება შევიდა. მიხეილ სააკაშვილი რეზოლუციის მეოთხე პუნქტშია ნახსენები.