ვიცე მერი, ანდრია ბასილაია აცხადებს, რომ ვაკის პარკის ცენტრალურ შადრევანში სარეაბილიტაციო სამუშაოები საპროექტო დოკუმენტაციის სრული დაცვით შესრულდა. მისივე თქმით, სამუშაოებს ზედამხედველობას ასევე უწევდა პროექტის ავტორი კომპანიის წარმომადგენელი, რომელსაც ვიცე მერის მტკიცებით, არც ერთ ეტაპზე, შესაძლო არასწორად განხორციელებულ რაიმე სამუშაოზე პრეტენზია არ დაუფიქსირებია.
„გამოძიება მიმდინარეობს, ჩვენთვისაც ძალიან მნიშვნელოვანია დავადგინოთ თუ რატომ არ იმუშავა უსაფრთხოების ნორმებმა, რომელიც პროექტში იდო და შემდგომ იყო განხორციელებული სამუშაოების დროს. რაც შეეხება პასუხისმგებლობას, დაველოდოთ გამოძიებას. სამუშაოები გაკეთდა ისე, როგორც იყო პროექტში. მეტსაც გეტყვით – თვითონ ავტორს ხელშეკრულებით ევალებოდა საავტორო ზედამხედველობა და იგი ვალდებული იყო მონიტორინგი გაეწია პროექტისთვის. პროექტის მსვლელობისას რამდენიმე შეხვედრა ჩატარდა უშუალოდ მუნიციპალიტეტის წარმომადგენლებს შორის, ავტორს და უკვე შემსრულებელ კომპანიას შორის და არცერთ არ დაფიქსირებულა რაიმე პრეტენზია იმასთან დაკავშირებით,მ რომ რაიმე არ კეთდება პროექტის მიხედვით, – განაცხადა ვიცე მერმა.