ჩვენ წელიწადნახევრის წინ განვაცხადეთ, რომ „ნაციონალურ მოძრაობას“ აქვს შიდა კრიზისი. ამის პირველი მანიშნებელი იყო, როდესაც გრიგოლ ვაშაძე დაითხოვეს თავმჯდომარეობიდან, შემდეგ ნიკა მელია მოვიდა, შემდეგ ვნახეთ რა დაპირისპირება მოჰყვა სააკაშვილისა და მელიას მხარდამჭერებს შიგნი. ამის შემდეგ ნიკა მელია ჩრდილში გადაიყვანეს, კობა ნაყოფია კი აღზევდა, როგორც პოლიტსაბჭოს ხელმძღვანელი, – ამის შესახებ საპარლამენტო უმრავლესობის წევრმა, გივი მიქანაძემ „ქრონიკაში“ განაცხადა.
„ახლაც ქვედა, შიდა დინებები მიმდინარეობს. ვხედავთ, რომ ყოველდღიურად ან რომელიმე საკრებულოში ტოვებს „ნაციონალური მოძრაობას“ კონკრეტული პირი ან თვითონ პოლიტსაბჭოს წევრები ტოვებენ პარტიას იმიტომ, რომ შიგნით არის ღრმა კრიზისი. ნაცმოძრაობა, როგორც პარლამენტში წარმოდგენილია ყველაზე დიდი ფრაქციით, ასევე არის ერთ-ერთი მთავარი ოპოზიციური ძალა, თუმცა ეს არის ოპოზიციური ძალა, რომელიც ყოველდღიურად იხრწნება და საკუთარი მხარდამჭერებისგანაც ეს მხარდაჭერა ყოველდღიურად სუსტდება“, – განაცხადა მიქანაძემ.