ის ხშირად ახმოვანებს იმ პოზიციებს, რომლებიც განიხილება მათ წრეებში. ესეც არის მორიგი ძალიან მძიმე გამოხატულება იმ განწყობების, რაც არის უკრაინის ხელისუფლებაში და რომელიც უფრო ფართოდ არის კოორდინირებული. მათ აქვთ ერთადერთი ინტერესი – რამენაირად საქართველოში ომის გაჩაღება სწორედ აქეთკენ არის ნებისმიერი ასეთი განცხადება მიმართული, – ასე შეაფასა ირაკლი კობახიძემ „იმედის კვირასთან“ საუბრისას ალექსეი არესტოვიჩის ბოლო განცხადება საქართველოს შესახებ.
„ქართული ოცნების“ თავმჯდომარემ უკრაინის ხელისუფლების მიერ საქართველოს მოქალაქეებისთვის დაწესებულ სანქციებზეც ისაუბრა და აღნიშნა, რომ ეს არის შანტაჟის მცდელობა, რომლის მიზანიც საქართველოში მეორე ფრონტის გახსნაა.
„ჩვენ გვაქვს ჩვენი პასუხისმგებლობა და ყველაფერს გავაკეთებთ, რომ ქვეყანას ომი თავიდან ავაცილოთ. მაგრამ მთავარი, ვინც ეს უნდა უზრუნველყოს და მთელი ამ დროის განმავლობაში უზრუნველყოფდა, არის ქართული საზოგადოება, ქართველი ხალხი, რომელიც დღემდე სწორად აფასებდა ყველა იმ მოვლენას, რაც ვითარდებოდა ჩვენ გარშემო. მთავარი დამსახურება არის საზოგადოების, რომ არ გაიხსნა მეორე ფრონტი. მთავარია, რომ საზოგადოებამ ეს ყურადღება არაც მომავალში მოადუნოს, საზოგადოება იყოს ფხიზლად, რომ საბოლოოდ მოვახერხოთ ამ ომის თავიდან აცილება. ჩვენი ხელისუფლება ყველაფერ გააკეთებს, თუმცა დაგვჭირდება ხალხის თანადგომა“, – აცხადებს კობახიძე.