ჩემი აზრით, იმ ჩამოთვლილი 19 კანდიდატიდან კრიტერიუმებს მარტო იაგო ხვიჩია აკმაყოფილებს, – ამის შესახებ სახალხო დამცველის კანდიდატებზე საუბრისას „გირჩის“ წევრმა, ჰერმან საბომ განაცხადა.
„იმისთვის რომ სახალხო დამცველის პუნქტი ჩვენმა ევროპელმა მეგობრებმა შესრულებულად ჩაგვითვალონ, საჭიროა, რომ კანდიდატი, რომელსაც ჩვენ ავირჩევთ, კარგად ერკვეოდეს ადამიანის უფლებებსა და სისტემურ პრობლემებში, რომელიც აქვს ქართულ მართლმსაჯულებას. ასევე, მასთან მიმართებაში ხელისუფლებასა და ოპოზიციას შორის კონსენსუსი შედგეს. ჩემი აზრით, იმ ჩამოთვლილი 19 კანდიდატიდან ამ კრიტერიუმს მარტო იაგო ხვიჩია აკმაყოფილებს“, – განაცხადა საბომ.
სახალხო დამცველის კანდიდატების სია დღეს პარლამენტის ბიუროს წარედგინება. ხვალიდან კი 19 კანდიდატისთვის მოსმენები გაიმართება.
კომენტარები