საზოგადოებას მუდმივად წამლავენ დეზინფორმაციით, ჩვენი მოვალეობა სწორედ საზოგადოების ინფორმირებაა, – ამის შესახებ „მოძრაობა ხალხის“ ძალის წევრმა, სოზარ სუბარმა „ქრონიკასთან“ განაცხადა.
„ჩვენ რამდენიმე დღის წინ მოვისმინეთ, უკრაინის ერთ-ერთი მაღალჩინოსანი როგორ იმუქრებოდა, რომ მილიონამდე ჯარისკაცი ჰყავთ და ეს ჯარი საკმარისი იქნება არამხოლოდ იმისთვის, რომ თვითონ, თავის ქვეყანაში მოიგონ ომი, არამედ საქართველოშიც მოახდინონ გადატრიალება და შეცვალონ მთავრობა. ესეც არ იქნებოდა ძალიან საშიში, სხვა, უფრო საფრთხის შემცველი განცხადებები რომ არ გვქონდეს მოსმენილი ამ პერიოდის განმავლობაში და მსგავს განცხადებებზე როცა ვსაუბრობ, პირველ რიგში ვგულისხმობ, მაგალითად, როდესაც აშშ-ის კონგრესის წევრი, საქართველოს მეგობართა ჯგუფის ხელმძღვანელი კონგრესში, ბატონი ადამ კიზინგერი პირდაპირ დანაშაულებრივ მოწოდებას აკეთებს უკრაინაში მებრძოლი ქართველებისადმი, რომ დაბრუნდით თქვენს სამშობლოში და შეცვალეთ მთავრობა იარაღის ძალით. ბუნებრივია ჩნდება საფრთხე და ვითარების შეცვლისთვის ყველაზე დიდი იარაღია სწორედ დეზინფორმაცია, რომელსაც მუდმივად აწოდებენ საზოგადოებას. ჩვენი მოვალეობაც საზოგადოების ინფორმირებაა“, – განაცხადა სუბარმა.