ის ცალკეული, რადიკალური ოპოზიციური ჯგუფის წარმომადგენლები, რომლებიც ევროპულ სტრუქტურებში დადიან, არიან აგიტატორები ჩვენი ქვეყნის ინტერესების საწინააღმდეგოდ, – ამის შესახებ პარლამენტის იურიდიულ საკითხთა კომიტეტის თავმჯდომარემ, ანრი ოხანაშვილმა „ქრონიკაში“ განაცხადა.
„ისინი [რადიკალური ოპოზიცია] პროპაგანდირებენ ჩვენი ქვეყნის ინტერესების საწინააღმდეგოდ და ცდილობენ შექმნან აღქმები და შეცდომაში შეიყვანონ, რომ ჩვენ როგორმე სტატუსი არ მივიღოთ და „ქართულმა ოცნებამ“ პოზიტიური წვლილი არ შეიტანოს ჩვენი ქვეყნის განვითარებაში. მათ ქვეყნის წარმატება არ უხარიათ. მათ ავიწყდებათ, რომ ჩვენ არ ვამბობთ, რომ ეს საქმე მარტო ჩვენ უნდა გავაკეთოთ. მათ ვთავაზობთ ყველანაირ პლატფორმას, რომ ეს საერთო საქმე ერთობლივად გავაკეთოთ“, – განაცხადა ანრი ოხანაშვილმა.
კომენტარები