საპარლამენტო უმრავლესობის წევრის, ანრი ოხანაშვილის განცხადებით, კანონპროექტის მიხედვით, ანტიკორუფციულ ბიუროს ღია კონკურსის საფუძველზე შერჩეული პირი უხელმძღვანელებს.
ოხანაშვილმა კომენტარი გააკეთა დღეს დაგეგმილ პარლამენტის ბიუროს სხდომაზე, სადაც ანტიკორუფციული ბიუროს შესახებ კანონპროექტს განიხილავენ.
„ამ ცვლილებით შემოთავაზებულია ანტიკორუფციული ბიუროს შექმნა, რომელსაც ღია კონკურსის საფუძველზე შერჩეული პირი უხელმძღვანელებს. კომისიას ექნება შესაძლებლობა, რომ პრემიერს წარუდგინოს შესაბამისი კანდიდატები, ხოლო პრემიერი კი დანიშნავს უკვე შესაბამის პირს 6 წლის ვადით. ბიუროს ხელმძღვანელი ანგარიშვალდებული იქნება ასევე პარლამენტის წინაშე და იგი ყოველი წლის ბოლოს ანგარიშს წარუდგენს“, – განაცხადა ოხანაშვილმა.
კომენტარები