“ლევან სამხარაულის სახელობის სასამართლო ექსპერტიზის ეროვნულ ბიუროს 18 წელი შეუსრულდა, ვულოცავ ბიუროს ყველა თანამშრომელს”

საქართველოს მთავრობის რეგიონებთან ურთიერთობის ადმინისტრაციის უფროსი ლერი ბარნაბიშვილი სოციალურ ქსელში პოსტს აქვეყნებს და ლევან სამხარაულის ექსპერტიზის ბიუროს თანამშრომლებს 18 წლის იუბილეს ულოცავს.

“დღეს, ლევან სამხარაულის სახელობის სასამართლო ექსპერტიზის ეროვნული ბიუროს დაარსებიდან 18 წელი გავიდა.

ვულოცავ ბიუროს ყველა თანამშრომელს ექსპერტიზის დღეს და წარმატებებს ვუსურვებ ამ საპასუხისმგებლო და მნიშვნელოვან საქმიანობაში.

ლევან სამხარაულის სახელობის სასამართლო ექსპერტიზის ბიურო ერთ-ერთი წამყვანი საექსპერტო დაწესებულებაა მთელი რეგიონის მასშტაბით, საჯარო სამსახურში ჩემი მრავალწლიანი მუშაობის გარკვეული პერიოდი სწორედ ექსპერტიზის ბიუროში მაქვს გატარებული.”