საქართველოს პარლამენტის თავმჯდომარე შალვა პაპუაშვილი ერთ-ერთი უმსხვილესი იაპონური კორპორაცია ITOCHU-ის დირექტორთა საბჭოს წევრს, უფროს აღმასრულებელ ოფიცერს ჰიროუკი ცუბაის შეხვდა.
მხარეებმა ისაუბრეს საქართველოში არსებულ ხელსაყრელ საინვესტიციო გარემოსა და საქართველოს სატრანზიტო პოტენციალზე.
აგრეთვე, განიხილეს საქართველოში კომპანიის მიმდინარე და დაგეგმილი პროექტები განახლებადი ენერგიის, საქალაქო ინფრასტრუქტურის განახლების და სხვა მიმართულებებით.
შეხვედრა შედგა შალვა პაპუაშვილისა და მისი თანმხლები დელეგაციის იაპონიაში მიმდინარე სამუშაო ვიზიტის ფარგლებში
კომენტარები