თბილისის მერიის მედიასთან ურთიერთობის სამსახურის უფროსი მანანა თოქმაჯიშვილი სოციალურ ქსელში პოსტს აქვეყნებს.
“გაეცანით დედაქალაქის სიახლეებს:
ქეთევან დედოფლის გამზირის რეაბილიტაცია სრულდება, ორშაბათიდან გადაადგილება შეუფერხებლად იქნება შესაძლებელი;
ბოლო 5 წლის განმავლობაში, თბილისის მერიამ კოოპერატიული ბინათმშენებლობებით დაზარალებული 2000-მდე ოჯახის პრობლემა გადაჭრა;
თბილისის მერიამ საბურთალოს რაიონში, რესტორნების ქსელ ,,მაკდონალდსის” მიმდებარედ, 1 700 კვადრატული მეტრი ფართობის მიწის მონაცვლეობა განახორციელა, სადაც კიდევ ერთი რეკრეაციული სივრცე გაშენდება. ამას გარდა, ადგილმონაცვლეობა მოხდა ბერბუკის ქ. #7-ის მიმდებარედ, სადაც ასევე რეკრეაციული სივრცე მოეწყობა;
ავარიული კორპუსების ჩანაცვლების პროგრამის ფარგლებში, უკვე მეორე პროექტის განხორციელება იგეგმება, რომელიც პროექტირების ეტაპზეა.
კალოუბნის #18-ში მდებარე ავარიული კორპუსი ჩანაცვლდება და იქ მცხოვრები 29 ოჯახი სრულიად გარემონტებულ ბინებს უკვე ახალ კორპუსში მიიღებს”.
