“ყველამ ძალიან კარგად იცის, რომ ამ თაღლითური სქემის სათავეში, რომელმაც ასი ათასობით პენსიონერი გააუბედურა, სწორედ ოლიგარქი კეზერა დგას”

ქართველმა და გერმანელმა პროკურორებმა „ქოლცენტრების“ საქმეზე კიდევ არაერთი პირი დააკავეს. ეს საქმე საბოლოოდ კეზერაშვილთან მიდის, – წერს „ხალხის ძალის“ წევრი, თამთა მეგრელიშვილი.

მეგრელიშვილი ,,ქოლცენტრებთან,, დაკავშირებით ტრანსნაციონალური დანაშაულის გამოვლენას ეხმიანება. ამასთან, აზიარებს ლევან ხაბეიშვილის ფეისბუქ სტატუსის ე.წ. სქრინს და აღნიშნავს, რომ “ზუსტად იციან ამ ბანდის წევრებმა, რომ ყულფი მათ კისერზე უფრო და უფრო ვიწროვდება და მალე კეზერას ევროპელი პროკურორების საბრალდებო დასკვნას წაუკითხავენ”.

„საქართველოს გენერალურ პროკურატურაში ბრიფინგი ხომ ნახეთ? ქართველმა და გერმანელმა პროკურორებმა „ქოლცენტრების“ საქმეზე კიდევ არაერთი პირი დააკავეს. ეს საქმე საბოლოოდ კეზერაშვილთან მიდის. ყველამ ძალიან კარგად იცის, რომ ამ თაღლითური სქემის სათავეში, რომელმაც ასი ათასობით პენსიონერი გააუბედურა, სწორედ ქართველი ოლიგარქი კეზერა დგას… აი, ამის დასტურია ხაბეიშვილის, კეზერაშვილის ხელის ბიჭის აწიკვინება და ისრების სხვაგან გადატანა, მაგრამ ზუსტად იციან ამ ბანდის წევრებმა, რომ ყულფი მათ კისერზე უფრო და უფრო ვიწროვდება და მალე კეზერას ევროპელი პროკურორების საბრალდებო დასკვნას წაუკითხავენ!“, – წერს მეგრელიშვილი Facebook-ზე.