„ნაციონალურ მოძრაობას“ უნდა, დეოლიგარქიზაციის ის კანონპროექტი წარმოადგინოს, რომელიც იციან, რომ წარუმატებლობისთვის განწირულია, რადგან სამართლებრივად გაუმართავი და დაუხვეწავია, – ამის შესახებ პარლამენტის ადამიანის უფლებათა დაცვის კომიტეტის თავმჯდომარე მიხეილ სარჯველაძემ განაცხადა.
„ნაციონალური მოძრაობის“ სურვილია, რომ ევროკომისიის რეკომენდაციის შესრულების მიმართულებით ქვეყანამ ნაბიჯები არ გადადგას. როგორც ჩანს, მათი საზრუნავია დეოლიგარქიზაციის პუნქტი არ შესრულდეს. მათ მიერ მომზადებული ცვლილებები როგორც პოლიტიკურად, ასევე სამართლებრივად გაუმართლებელი.
არავის ეგონოს, რომ თითქოს, ეს კანონპროექტი რაიმე პრობლემას შეუქმნის ბიძინა ივანიშვილს. რეალურად, კანონპროექტი აბსოლუტურად უპერსპექტივოა. მცდელობაა იმის, რომ გარკვეული თვალსაზრისით შეუმსუბუქონ შესაძლო მართლად ოლიგარქიის მცდელობის მქონე პოლიტიკოსებს მათთვის მოსალოდნელი წნეხი და სირთულეები, რაც შეიძლება დეოლიგარქიზაციაზე მუშაობამ მათ შეუქმნათ. ლევან ბეჟაშვილმა კარგად იცის, რომ ეს კანონპროექტი სამართლებრივი ნონსენსია“, – განაცხადა მიხეილ სარჯველაძემ.