სპეკულაციებს ყველამ თავი უნდა დაანებოს, მიკერძოებული დასკვნების კეთებაც, რა საკვირველია არ დარჩება ყურადღების მიღმა. ყველასთვის ნათელი და გასაგები იქნება, ვინ რა მიკერძოების ხარისხით ხასიათდება, როდესაც თავს დებენ ექსპერტობაზე, – ასე შეაფასა საპარლამენტო უმრავლესობის წევრმა, მიხეილ სარჯველაძემ მიხეილს სააკაშვილის განცხადება, სადაც ყოფილმა პრეზიდენტმა საკუთარი მოწამვლის შესახებ გავრცელებული ინფორმაცია უარყო.
„თვითონაც გადასარევად იცის, რომ ეს არის მტკნარი ტყუილი, მოგონილი ვიღაცების მხრიდან მარტო იმისთვის, საკუთარი ექსპერტული, ტენდენციური, წინასწარ გამოცხადებული შეხედულებები გაამართლონ და ახსნან“, – განაცხადა მიხეილ სარჯველაძემ.
მიხეილ სააკაშვილის ადვოკატმა ვალერი გებახიანმა ორი დღის წინ განაცხადა, რომ უცხოელი ექსპერტიების დასკვნის თანახმად, ექსპრეზიდენტი მოწამლულია. გუშინ იუსტიციის მინისტრმა რატი ბრეგაძემ ყველას მოუწოდა, თავი შეიკავონ გადაუმოწმებელი ინფორმაციის გავრცელებისგან. ასევე, მიმართა ლევან სამხარაულის სახელობის ექსპერტიზის ეროვნულ ბიუროს, ჩატარდეს ტოქსიკოლოგიური ექსპერტიზა და საზოგადოებას ჰქონდეს სრული და ამომწურავი ინფორმაცია მიხეილ სააკაშვილის ჯანმრთელობის მდგომარეობის შესახებ.