ჩათრევას ჩაყოლა არჩიეს და რიტორიკა მანამდე შეცვალეს, სანამ ეს ექსპერტიზა იქნებოდა, – ამის შესახებ პარლამენტის უმრავლესობის წევრმა, დავით მათიკაშვილმა განცხადა.
„კიდევ ერთხელ ხომ იკვეთება და საზოგადოება კარგად ხედავს რა უნდა სინამდვილეში რუპორ პარტიულ ტელევიზიებს, რომლებიც არარსებული ფაქტიდან ცდილობენ გამოადნონ სენსაცია. ადამიანი, თვითონ „პოსტავს“ და ამბობს, რომ არა, მე ასეთი არაფერი მითქვამს, არავის მოუწამლავს და პირიქით, მადლობას უხდის ექიმებს. ესენი ცდილობენ, რომ რაღაც შავბნელი შინაარსი დახატონ, სცენარი დაწერონ, რომ თითქოს შეთქმულება არსებობს, ვიღაცას უნდა რაღაც კონკრეტული ნაბიჯები გადაიდგას სააკაშვილთან მიმართებაში, მაგრამ სინამდვილეში ეს ასე არ არის. ჩათრევას ჩაყოლა არჩიეს და რიტორიკა მანამდე შეცვალეს, სანამ ეს ექსპერტიზა იქნებოდა“,- აღნიშნა მათიკაშვილმა.
მიხეილ სააკაშვილის ადვოკატმა ვალერი გებახიანმა ორი დღის წინ განაცხადა, რომ უცხოელი ექსპერტიების დასკვნის თანახმად, ექსპრეზიდენტი მოწამლულია. გუშინ იუსტიციის მინისტრმა რატი ბრეგაძემ ყველას მოუწოდა, თავი შეიკავონ გადაუმოწმებელი ინფორმაციის გავრცელებისგან. ასევე, მიმართა ლევან სამხარაულის სახელობის ექსპერტიზის ეროვნულ ბიუროს, ჩატარდეს ტოქსიკოლოგიური ექსპერტიზა და საზოგადოებას ჰქონდეს სრული და ამომწურავი ინფორმაცია მიხეილ სააკაშვილის ჯანმრთელობის მდგომარეობის შესახებ.