“ვფიქრობ, ერთ დღეში ამდენი უცნაური განცხადების გაკეთება ცოტა უხერხულია, ვეცდებით გავერკვიოთ ყველა დეტალში”

პრობლემა კანონპროექტის გაგზავნა-არგაგზავნაში კი არის, არამედ იმ უცნაურ და ურთიერთგამომრიცხავ განცხადებებში, რაც ჩვენ მთელი დღის განმავლობაში მოვისმინეთ, – ამის შესახებ საპარლამენტო უმრავლესობის წევრმა, რატი იონათამიშვილმა „ქრონიკასთან“ განაცხადა.

„რომ შევაჯამოთ: ამერიკის ელჩი ამბობს, რომ უკრაინამ გაიწვია დეოლიგარქიზაციის შესახებ კანონი და ახლა საქართველომ უნდა გააგზავნოს იგივე. თავად ვენეციის კომისია ამბობს, რომ აგრძელებს მუშაობას, მაგრამ არ იცის დასკვნა როდის იქნება საბოლოოდ მზად. ასევე ჩვენ მოვისმინეთ ხატია დელკანოიძის განცხადება, რომელიც უკრაინის მაღალჩინოსანი იყო. მან განაცხადა, რომ უკრაინამ უკვე მიიღო შენიშვნებით პასუხი და ახლა ამაზე აქვს აქცენტი. შესაბამისად, ვფიქრობ, რომ 1 დღეში ამდენი უცნაური განცხადების გაკეთება ცოტა უხერხულია, ამიტომ ჩვენ პასუხისმგებლიანი დამოკიდებულებით, ვეცდებით გავერკვიოთ ყველა დეტალში“, – განაცხადა იონათამიშვილმა.