გავიგეთ ვენეციის კომისიის პოზიცია, რომ აგრძელებენ კვლავაც მუშაობას უკრაინის დეოლიგარქიზაციის კანონზე. ეს ნიშნავს, რომ კომისია მუშაობს იგივე ვარიანტზე, რაც საქართველოშია ინიცირებული, – ამის შესახებ საპარლამენტო უმრავლესობის წევრმა, ირაკლი ჩიქოვანმა განაცხადა.
„გულწრფელად გეტყვით, ჩემთვის ძალიან გაურკვეველია ის განცხადებები, რაც, როგორც აღმოჩნდა, სიმართლეს არ შეესაბამება. გავიგეთ ვენეციის კომისიის პოზიცია, რომ აგრძელებენ კვლავაც მუშაობას უკრაინის დეოლიგარქიზაციის კანონზე. ეს ნიშნავს, რომ კომისია მუშაობს იგივე ვარიანტზე, რაც საქართველოშია ინიცირებული. ვერ გეტყვით, თუ რა შეიძლება იყოს მიზანი. ძალიან სამწუხაროა, რომ კონკრეტული პოლიტიკური ძალების მხრიდან ეს აღქმული იქნა, როგორც წაქეზება, შეეწინააღმდეგონ საქართველოში კანონის მიღებას. ჩვენ უნდა ყველაფერი გავაკეთოთ და ამ პოლიტიკურმა სუბიექტებმაც უნდა გადადონ ვიწროპარტიული ინტერესი, მაგრამ პარტიაც აღარ შერჩათ“, – აცხადებს ირაკლი ჩიქოვანი.