ხაბეიშვილი, როცა ეტყვი გადადგება, დაწვება ან კრივში ივარჯიშებს. მელია რაც არის, ყველამ ვიცით, მაგრამ ადვილი დასამორჩილებელი არაა. გარდა ამისა, ყველაფერზე წამსვლელი უნდა იყოს ადამიანი. ხაბეიშვილი იყო ერთადერთი ოპტიმალური გამოსავალი, – ამის შესახებ გადაცემაში „იმედი LIVE“ პარლამენტის პირველმა ვიცე-სპიკერმა, გიორგი ვოლსკიმ განაცხადა.
„სპეციალურად არის წამოწეული ვანო მერაბიშვილის ფიგურა, ასე გადაწყვიტეს, იმიტომ რომ ეს არის გზავნილი – თუ ჩვენ ვმართავდით ცუდად და სისხლის გუბეები დავაყენეთ, ეს საჭირო იყო, შეცდომა კი არ არის, ასე უნდა გვემართა, იმიტომ რომ წესრიგი იყო დასამყარებელი. ვანო მერაბიშვილი, დავით კეზერაშვილი – იყო გარკვეული თანხები გამოყოფილი, ის სხვა მიმართულებით დაიხარჯა, ეს თანხა გაქრა სადღაც ოფშორულ ზონაში. ომის შემდეგ, მეორე დღეს კი აღმოცენდა ახალი მილიონერი, რომელიც ერთ-ერთი ყველაზე მდიდარი კაცია მსოფლიოში. ახლა ხაბეიშვილს ენდობა და შემსრულებელი ჰგონია. ახლა შეეცდებიან, პირველი ეტაპი როგორმე გადალახონ და პარტია ჩაიგდონ ხელში, ფინანსური რესურსების სრული მობილიზება მოახდინონ – აი, ეს არის ოლიგარქია. როდესაც შენ ამბობ, რომ შეცდომა დავუშვი, საზოგადოების გარკვეული ნაწილი ამბობს, თუ შეცდომა დაუშვი, რაღა გინდა, წადი მონასტერში და მოინანიე. ამიტომ დარჩენილი აქვს ერთი გზა: თქვას, რომ წესრიგის დასამყარებლად, საქართველოს ტერიტორიული მთლიანობის აღსადგენად სწორად ვიქცეოდი. შეიძლება პატარა გადაცდენები გვქონდა, სერგო თეთრაძისთვის ტყავი არ უნდა გაგვეძრო და დენით არ უნდა გვეწამებინა და ა.შ. ყოველგვარი ხუმრობისა და სარკაზმის გარეშე ვამბობ – ეს, რაც ახლა ხდება, არის ერთადერთი გზა. ხაბეიშვილი, როცა ეტყვი გადადგება, დაწვება ან კრივში ივარჯიშებს. „ქურქუმალს“ არ მოელოდნენ, თორემ ამასთან დაკავშირებითაც შეიძლება ინსტრუქცია მიიღოს და გადაარქვან Curriculum vitae „ქურქუმალ ვაითად“. ფინანსური რესურსის დეფიციტი გაჩნდა ამ ჯგუფში – აი, შენ მედია, რომელიც გამოასწორებს შენს ამ „გოიმობას“, თანხა და ხალხის რაოდენობა, რომელიც შენს გარშემო იქნება და გააკეთებს იმას, რასაც გეტყვით. მელია რაც არის, ყველამ ვიცით, მაგრამ ადვილი დასამორჩილებელი არაა. გარდა ამისა, ყველაფერზე წამსვლელი უნდა იყოს ადამიანი. ხაბეიშვილი იყო ერთადერთი ოპტიმალური გამოსავალი. სალომე სამადაშვილმა საკმაოდ კარგად ჩამოაყალიბა, რას წარმოადგენს ახალი გუნდი, გალანძღა, გაასწორა მიწასთან – გახსოვთ ალბათ მისი პარტიიდან გასვლის მიზეზი, მაგრამ შედეგზე რომ გინდა მიხვიდე, უკეთესი რა არის, ნგრევის მეტი ამ ხალხს არაფერი აზრად არ აქვს“, – აცხადებს ვოლსკი.