დეკანოზი დავით ისაკაძე სამღვდელოთა ერთი ნაწილის მიმართ, რომელსაც “შმემანის დაჯგუფებად” მოიხსენიებს, ბრალდებას აგრძელებს და მათ კვლავ მწვალებლობაში ადანაშაულებს. ისაკაძე მიიჩნევს, რომ ეკლესიის სწავლების მიხედვით, მოუნათლავი ბავშვები (მუცლად მყოფები თუ უკვე დაბადებულები) ჯოჯოხეთში მიდიან და ყველა, ვინც უდანაშაულო ჩვილების ცხონების შესაძლებლობას უშვებს, მწვალებელია.
“შმემანის დაჯგუფების წევრები ამბობენ: “მოუნათლავი ბავშვი რომ არის მოუნათლავი, ეს არ არის ამ ბავშვის ბრალი, რადგან არ არის ამ ბავშვის ბრალი, მე მაგალითად ესეთ ბავშვებს ჯოჯოხეთში ვერ გავუშვებ” – ვინ გეკითხება შენ, ჯოჯოხეთში გაუშვებ თუ არ გაუშვებ?! სად მიდის ამ ადამიანის კადნიერება და ამპარტავნება. ღმერთზე უფრო მოწყალე გამხდარა… ეკლესიის სწავლება ამის შესახებ: უკეთუ ვინმე არ იშვეს წყალისაგან და სულისა, ვერ ხელეწიფების შესვლად სასუფევლისა ღმრთისასა”, – ამბობს ისაკაძე.